23-маусым мемлекеттік қызметкерлер күніне орай Түркістан облысының басқармалары арасында балық аулау бойынша сайыс өтті. Шараның негізгі мақсаты мерекені спорт арқылы тойлау. Жарыс соңында қармаққа іліккен балықтың саны мен өлшеміне байланысты қазылар алқасы жүлделі орындарды белгіледі.
Биыл алғаш рет ұйымдастырылған шара Ордабасы ауданыдағы Бөген су қоймасының аумағында өтті. Оған епті әрі шапшаң деген облыстық басқармалардың 15 қызметкері қатысты. Ерекше сайысты ұйымдастыруға мұрындық болған ауыл шаруашылығы бөлімі. Ал жарыстың шарттарын дене шынықтыру бөлімі жасаған.
Сайысқа қатысушылар жұмыс уақыт аяқталған соң жиналып, кешкі сағат сегізде жарысты бастап кетті. Құрал-саймандарын сақадай сай әкелген балықшылардың табиғат аясындағы демалысы пайдалы, әрі олжалы болды. Айта кетерлік жайт жарыс талаптарындағы басты ерекшеліктердің бірі табиғатты ластамай балықтарды броконерлік жолмен ауламау.
Жарыс қорытындылары бойынша дін істері басқармасының қызметкерлері бірінші орынды иеленді. Ал негізгі марапаттау 23-маусым күні мереке қарсаңында болатын жиында облыс әкімінің өзі марапаттайтын болады. Сайысқа қатысушылар мұндай шараларды дәстүрлі түрде өткізіп тұруға келісіп, тарқасты.
РЕДАКЦИЯНЫҢ МЕКЕНЖАЙЫ:
