Елімізде болған төтенше жағдайлар салдарынан 570 адам қаза болды. Бұл туралы Түркістан облысының тұрғындарымен кездескен Төтенше жағдайлар министрі Юрий Ильин мәлімдеді, деп хабарлайды ҚазАқпарат.
Жалпы 10 ай ішінде елімізде 11 мыңнан астам төтенше жағдай тіркелген.
570 адам қаза тауып, 22 мыңға жуық адам эвакуацияланған. 4 мыңнан астам зардап шеккенге алғашқы медициналық көмек көрсетілген.
Кездесуде Юрий Ильин Түркістан облысындағы жағдайдың тұрақты екендігін жеткізді.
«Жыл басынан бері аймақта бес жүзден астам төтенше жағдай тіркелді. Бұл көрсеткіштің өткен жылмен салыстырғанда 19 пайызға өскенін көреміз. Ал, қаза тапқандар саны 37% азайып отыр. Екі жүзден астам адам зардап шегіп, үш жүзге жуық азамат құтқарылды. Жалпы, облыстық төтенше жағдайлар бөлімшесі 3,5 мыңнан астам мәрте оқи ға орнына шықты. Бұл өткен жылдың сәйкес кезеңімен салыстырғанда 30 пайызға артық»-деді министр.
Кездесу барысында Юрий Ильин тұрғындар тарапынан қойылған сұрақтарға жауап берді.
РЕДАКЦИЯНЫҢ МЕКЕНЖАЙЫ:
